افتتاح مدونة Legend Arab Herose + معلومات حول حجز برنامج WGM ثنائي يورا و جونغ هيون

مرحباً اعزائي 

قلت سابقاً اني اعمل على فتح مدونة للفرقة الصاعده Legend 

و ممكن بعضكم يقول ان هاد ضغط علي و رح يأخرني بأدائي هون او بـAllkpop بس هاد مارح يأثر بنوب لهيك أتمنى تزوروا المدونة

و متل ما بعضكم شاف اغنية ترسيمهم Left out و اغنية البومهم الجديد الاول Lost و مقابلتهم اللي ترجمتها 

بتمنى تزوروا المدونه لانها فرقة فريده من نوعها و موهوبه 

و هاد الرابط 

http://aherose.blogspot.com.tr/

اما بالنسبه للمدونه ذات نفسها نظامها مختلف عن مدونتي او مدونات تانيه 

متل بهي الصورة 

اول شي قدامكم هاد بيظهر 

بالأعلى صفحات المدونة متل اي مدونه اما الصور اضغطوا عليها بتنقلكم للتقرير

الصورة اللي على اليمين مكتوب تقرير الفرقة و هو تقرير عام عن الفرقة اما ال5 صور الباقيين عن كل عضو لحاله

و في النهايه صفحة خاصه بالاعمال المترجمة

اما لما تنزلوا لأسفل رح تكون المدونة طبيعيه و سهلة الاستخدام و كمان في عندكم على اليمين متابعه في تويتر او غوغل بلس

بتمنى تسعدونا بدخولكم لها 

_________________________________

اما بالنسبة للثنائي يورا و هونغ جونغ هيون 

واجهتني مشكله بالبداية و كانت عن حلقات البرنامج 

بس الحمد لله لقيت حل بعد 3 ساعات من المحاولة 

و بعدها واجهتني مشكلة تانيه غريبه ماصارت معي قبل هيك 

و هي ان الحلقة من الدقيقة 5 تطلع بدون صوت في برنامج التوقيت 

و هاد طبعاً مستحيل اقدر اعمل توقيت و انا ماسامعه شي 

لهيك حاولت ازبط الموضوع مع محاولات كتيره و الحمد لله نجحت بأني ارجع الصوت اثناء التوقيت 

و  هلء انا مارح اعطيكم موعد ثابت الا بعد ما انزل لكم الحلقة رح احكي بالتدوينه متى رح تنزل الحلقات التانيه

و انا عم أشتغل على الحلقة التانيه مو الاولى و السبب ان مدونة Ahmed hyung ترجمت الحلقة الاولى و انا شايفه انو مافي داعي ارجع ترجمها و مجرد مضيعه للوقت 

و اخيراً انتظروا الحلقة الثالثه من برنامج Campus Fashion People بعد نزول الحلقة التانيه من we got married